سه‌رۆكێ ئه‌مریكا راگه‌هاند، بۆ به‌رسڤدانا هێرشێن گرۆپێن سه‌ر ب ئیرانێ ڤه ئاماده‌ینه و وان گرۆپان هێزێن مه ل ئیراق و سووریا كرینه ئارمانج.
جۆ بایدن، سه‌رۆكێ ئه‌مریكا نامه‌یه‌ك بۆ كۆنگرێسێ وه‌لاتێ خۆ هنارت و دیاركر، گرۆپێن میلیشیایێن سه‌ر ب ئیرانێ ڤه چه‌ندین جاران هێرش ل سه‌ر هێزێن ئه‌مریكى ل ئیراق و سووریا كرینه و بنگه‌هێن هه‌ڤپه‌یمانان ل فڕۆكخانه‌یا هه‌ولێرێ ژ ئالیێ كه‌تائیبێن حزبوللا ڤه بووینه ئارمانج.
سه‌رۆكێ ئه‌مریكا د پشكه‌كا دى یا نامه‌یا خۆ دا دبێژیت: ئه‌مریكا ئاماده‌یه بۆ گرتنه‌به‌را رێكارێن زێده‌تر بۆ به‌رهنگاربوون و به‌رسڤدانا هه‌ر هێرشه‌كا بۆ سه‌ر بنگه‌هـ و هێزێن ئه‌مریكى ل ناوچێ بهێته‌كرن.