ئاکرێ نیوز
وه‌زاره‌تا به‌رەڤانیا ئه‌مریكا (پنتاگۆن)، راگه‌هاند كۆ لەشکەرێ ئەمریکا گورزێن تولڤەکرنێ ژ میلیشیاریێن عێراقێ وەشاندن، ئەڤە‌ژی پشتی وێ ئێکێ هات کۆ سێ سەربازێن وی وڵاتی ژبەر هێرشێن وان میلیشیا ل هه‌ولێرێ بریندار ببوون.
ئه‌ڤرۆ سێشه‌مبی 26/12/2023، لوید ئۆستن، وه‌زیرێ بەرەڤانیا ئه‌مریكا، بلاڤکر، كۆ هێزێن وان گورزێن پێتڤی ل سێ بنگەهـ و دامه‌زراوێن حزبوڵا و گرووپێن سه‌ر ب وێ رێکخراوێ دایە.
گووتژی، ئه‌و گورز و هێرش، زۆر هویر بوون و بەرسڤا وان زنجیرە هێرشان بوون کۆ ژبۆ سەر هێزێن وان ل عێراق و سووریا هاتنە کرن، یێن کۆ میلیشیایێن نزیك ژ ئێرانێ ئەنجامدایە، هێرشا دوماهیکێ یا رێكخراوا حزبوڵایا عێراقێ و ئەو گرووپێن سه‌ر ب وێ رێکخراوێ، کۆ ژبۆ سه‌ر بنگەهێ ئه‌مریكیان ل هه‌ولێرێ هاتیە کرن.
ژلایەکێ دی ڤە، ئه‌دریین واتسۆن، پەیڤدار بناڤێ جڤاتا ئاسایشا ئه‌مریكا، د راگەهاندنەکێ دا، زەلالکر: سێ سه‌ربازێن ئه‌مریكی ژ هێرشێن بۆ سه‌ر بنگەهێ وان ل هه‌ولێرێ بریندار بوون و رەوشا ئێک ژ وان یا مەترسیدارە.