د هه‌لبژارتنێن ئه‌ڤرۆ دا كورد ل 5 پارێزگه‌هێن ئیراقێ پشكدارن كو ب ده‌ڤه‌رێن كوردستانى یێن ده‌رڤه‌یى ئیداره‌یا هه‌رێمێ دهێنه ناسكرن.
ئه‌ڤرۆ سپێدێ پرۆسه‌یا ده‌نگدانا گشتى ل 15 پارێزگه‌هێن ئیراقێ ل ده‌مژمێر 7ى سپێدێ ده‌ستپێكر، كوردان ژى ل پێنج پارێزگه‌هان به‌ربژار هه‌نه و هه‌ڤڕكیێ بۆ ب ده‌ستڤه‌ئینانا كوڕسیێن جڤاتان دكه‌ن.
ل هه‌ر ئێك ژ پارێزگه‌هێن كه‌ركووك، دیاله، نه‌ینه‌وا، سه‌لاحه‌دین و به‌غدا كورد پشكداریێ د هه‌لبژارتنێن جڤاتێن پارێزگه‌هان دا دكه‌ن و دێ هه‌ڤڕكیێ ل سه‌ر ب ده‌ستخستنا كورسیان كه‌ن.