ئاکرێ نیوز:
ده‌سته‌یا ژینگه‌ها هه‌رێما كوردستانێ هوشداریێ دده‌ته كه‌نالێن تهلهڤزیۆن و رادیۆ و كۆمپانیێن ئه‌نته‌رنێتێ ئه‌گه‌ر پێگریێ ب رێنمایێن پاراستنا ژینگه‌هێ نه‌كه‌ن دێ هێنه سزادان.
ل گۆره‌ى رێنمایا ژماره 3 یا سالا 2023ێ یا ده‌سته‌یا ژینگه‌ها هه‌رێمێ تایبه‌ت ب زێده‌گاڤیێن لسه‌ر ژینگه‌هێ، سزایێ سه‌رپێچیێن تاوه‌رێن تهلهڤزیۆن، ئه‌نته‌رنێت،رادیۆ و ته‌له‌فۆنان ئێك ملیۆن تا تا 5 ملیۆن دینارانه.
هه‌ر د وێ رێنمایێ دا هاتیه، تاوه‌رێ ره‌زامه‌ندیا ژینگه‌هێ نه‌بیت 4 ملیۆن دینار ، ئه‌گه‌ر به‌داله‌یا ناڤه‌ندى بێى رازیبوونا فه‌رمانگه‌هێن ژینگه‌هێ هاتبیته دانان سزا 5 ملیۆن دینارن، ئه‌گه‌ر نیشانێن هوشداریێ ژى لسه‌ر تاوه‌ران نه‌بوون سزا 2 ملیۆن دینارن.
ده‌سته‌یا ژینگه‌هێ دیار دكه‌ت ژى، ئه‌گه‌ر موه‌لیده‌یێن تاوه‌ران دویكلێ بكه‌ن، یان ده‌نگێ وان بلند بیت، دێ ب ملیۆنه‌ك دیناران هێنه سزادان، ره‌خودورێن موه‌لیده‌یان ژى ب رۆنى یان گازوایلێ پیس ببن سزا 3 ملیۆن و ئه‌گه‌ر نه‌هاتبیته سیاجكرن ژى سزا دو ملیۆنن.