ئه‌ڤرۆ ئه‌نجامێن ده‌ستپێكى یێن هه‌لبژارتنێن جڤاتێن پاریزگه‌هێن ئیراقێ دێ هینه راگه‌هاندن، ل گۆڕه‌یى كۆمسیۆنێ 41%ێ رێژه‌یا پشكداریا وه‌لاتیان بوویه.
جومانه گلایى، په‌یڤدارا كۆمسیۆنا بلندا سه‌ربه‌خۆ یا هه‌لبژارتنان ل ئیراق گۆت: ئه‌ڤرۆ ئێڤارى ئه‌نجامێن ده‌ستپێكى یێن هه‌لبژارتنێن جڤاتێن پارێزگه‌هان دێ هینه راگه‌هاندن و ئاشكراكر، رێژەیا گشتی یا پشکداریێ د هەلبژارتنێن جڤاتێن پارێزگەهێن ئیراقێ دا گەهشتە ٪41 و ل کەرکووکێ ٪65 بوو.
كۆمیسیۆنا بلند یا سه‌ربخۆ یا هه‌لبژارتنان ئه‌ڤرۆ دوشه‌مبیێ راگه‌هاند كو 6 ملیۆن و 599 هزار ده‌نگده‌ران ده‌نگێن خۆ د ده‌نگدانێن تایبه‌ت و گشتى دا داینه، رێژه‌یا پشكداریێ د هه‌لبژارتنان دا ل گۆره‌ى كۆمیسیۆنێ 41% بوو.
ل گۆره‌ى كۆمیسیۆنێ ب ڤى شێوه‌یى، به‌سره 43%، میسان 29%، قادسیه 38%، زیقار 31%، نه‌جه‌ف 32%، موسه‌نا 45%، به‌غدا- ره‌سافه 21%، به‌غدا – كه‌رخ 32%، كه‌ربه‌لا 40%، بابل 40%، دیالا 43%، ئه‌نبار 57%، واست 37%، سه‌لاحه‌دین 59%، كه‌ركووك 65% و نه‌ینه‌وا 53% پشكدارى د هه‌لبژارتنان دا هاتیه كرن.
ل پارێزگه‌هێن هه‌رێما كوردستانێ ده‌نگدانا گشتى نه‌هاتبوو كرن، د ده‌نگدانا تایبه‌ت دا رێژه‌یێن پشكداریێ ل پارێزگه‌ها دهۆكێ دهۆك 67%، ل هه‌ولێر 81% و سلێمانیێ 89% بوو.