گەرما زور و سەرما زور کاریگەریەکا خراپ یا ل سەر ساخلەمیا مروڤی هەی، لەوا هندەک رێکێن هەین مرۆڤ دشێت خۆ ژ سەرمایێ دووربکەت و داکو کارتێکرنا وێ کێمتر بیت.
دڤێت ئاگەهداری کەش و هەوایێ ژورا خۆ بین، تایبەت ئەڤرۆ هەمی دەرگەهو پەنجەرە بووینە ئەلەمنیۆم، کو ب تەمامی ژورێ قەپات دکەن رێکێ ل گوهورینا هەوای نادەن، ئەڤ چەندە نە یا باشە دڤێت گوهرین بکەڤنە د کەش و هەوایێ ژورڤە.
د وەرزێ زڤستانێ دا گرنگیدان ب جل و بەرگان یا مفادارە و دێ فشارا سەرمایێ ل سەر تە کێمتر بیت و پتر هێیە پاراستن ژ وان نەخۆشیێن ب سەرمایێ تووشی مروڤی دبن.
پەرسیف ژبەر سەرمایێ ب تنێ نینە، ب ئەگەرێ ڤایروسێ یە، لێ سەرمایێ رولێ هەی ل دابەزاندنا بەرگریا لەشی دبیتە ئەگەر خەلک پتر تێکەلی ئێک ببن ل دور جهێ گەرمکرنێ تایبەت سوپێ کومڤەببن، ئەڤ نەخۆشیە ژ نەخۆشیێن دی ب ساناهی ترە بۆ ڤەگوهاستنێ لەوا فەرە گرنگیەکا زێدەتر بدەینە دەست شووشتن و گوهرینا کەش و هەوای دژورڤە.
چەند مە ئاگەـ ژ دانعەمران هەبیت باشە، ڤەکولینێن زانستی ئەو چەندە ئاشکراکریە کو دابەزاندنا هەر پلەکا گەرمێ رێژا ۱٪ مرن ل دەف دانعەمران زێدەتر دبیت.
هندەک نەخۆشیێن هەین ب هەوایێ سار دژوارتر دبن ب تایبەتی رەبۆ کوخک و حەساسی و بلندیا فشارا خوینێ، ژبەر هندێ دڤێت ئەڤ نەخۆشە د وەرزێ سەرمایێ دا پتر ئاگەهداری خۆ بن، ل دەرڤە و دناڤ مالدا.
ئەگەر تە زێدە هەست ب سەرمایێ کر، گرنگە سەرەدانا نوشداری بکەی، چونکی دبیت ئەڤە نیشانەک بیت ژ کێم خوینیێ و سستیا غودا دەرەقی و یان شەکرێ.