وەزارەتا ساخلەمییا هەرێمێ هۆشدارییێ ددەتە نوژدار و نەخۆشخانێن حكومی و تایبەت یێن زارۆكبوونێ، بۆ هەلبژارتنا ڕێكەفتێن جوان یێن ژدایكبوونا زارۆكان، نەشتەگەرییێ بۆ ئافرەتێن دووگیان نەكەن، ب تایبەت ئەوێن حەز هەی ل ڕێكەفتی 1/1/2024 زارۆكێ وان ژدایك ببیت.
بۆ وێ مەرەمێ ژی وەزارەتا ساخلەمییێ لیژنەیێن تایبەت بۆ چاڤدێریكرنا نەخۆشخانێن زارۆكبوونێ پێكئیناینە و هەر كەسەكێ سەرپێچییێ بكەت دێ هێتە سزادان.
ل هەیڤا ئادارا سالا 2023، نەشتەرگەرییێن ئافرەتێن دووگیان بۆ زارۆكبوونێ د ڕێكەفتێن جوان دا هاتییە قەدەغەكرن و بتنێ ب بڕیارا لیژنەیێن ساخلەمییێ نشتەرگەری دهێنەكرن.