ئاکرێ نیوز
رێڤەبەرێ سەخبێری و پاراستنا رێک و پرا ل ئاکرێ دیارکر، کابینا نەهی یا بەردەوامە ل خزمەتکرنا رێک و پرا ل دەستپێکا ئەف سالە حەتا نوکە ل سنورێ قەزا ئاکرێ و بەردەڕەش رێکا چەندین گوندان هاتینە قێرکرن و کەتینە خزمەتا وەلاتیاندا و هندەک ژی د قوناغا بجهئینانێدانە.
ئەندازیار موحسن میرانی رێڤەبەرێ رێک و پرا ل قەزا ئاکرێ راگەهاند، ب کوژمێ نەهـ ملیار و پێنچ سەد ملیۆن دیناران رێکا (48) گوندان ژ لایێ رێڤەبەریا رێک و پرا ل ئاکرێ هاتنە قێرکرن و سەخبیر کرن پتریا وان کەتینە خزمەتا وەڵاتیاندا وهندەک ژی دوارێ بجهئینانێدانە، ئەڤە ژی بویە رێخۆشکەر کو وڵاتی گرنگیێ ب کەرتێ چاندنێ و ئاژلداریێ بدەن ل گوندێن خو.
گوتژی، پروژێن مە بەردەوامن و سوپاسیا حکومەتێ دکەین ئەم وەکو رێڤەبەریا سەخبێری و پاراستنا رێک و پرێن ئاکرێ هەردەم دخزمەتا ولاتیانداینە.