ئاکرێ نیوز
ب سەرپەرتیا سەرۆکاتیا باژێرڤانیا ئاکرێ دەست ب دابەشکرنا سەلێن گلێشی یێن 120 لێتری دا هاتیەکرن.
بلند رزا زبێر، سەرۆکێ باژێرڤانیا ئاکرێ بۆ ئاکرێ نیوز ڕاگەهاند، بڕیارە د دەمێ شەش هەیڤێن بهێت دا ل سنوورێ 20 باژێرڤانیێن قەزایێن(ئاکرێ، بەردەڕەش، شێخان) 55 هزار سەلێن گلێشی یێن 120 لێتری ل سەر وەلاتیان دا بهێنە دابەشکرن ب مەرەما پاقژ ڕاگرتنا ژینگەهێ و بۆ ب ساناهیکرنا ژێکجوداکرنا گێلێ تەر و هشک.
سەرۆکێ باژێرڤانیا ئاکرێ گۆتژی:”نوکە قوناغا دوویێ دەست پێکرییە و ل کەلەک و بجیل و ئەتروش پتری 3 هزار سەلێن گلێشی، بێ بەرامبەر وەکو دیاری ژ لایێ حکومەتا هەرێما کوردستانێ ڤە لسەر وەلاتیان دا هاتنە دابەشکرن و پرۆسەیا دابەشکرنا سەلێن گلێشی یێن 120 لتری دێ بۆ دەمە شەش هەیڤێن بهێت ب چەند قۆناغێن جودا جودا یا بەردەوام بیت تا کو ژمارا دابەشکرنێ دگەهیتە 55 هزار سەلێن گلێشی ل سنوورێ قەزایێن (ئاکرێ، شێخان، بەردەرەش).”
بلند رزا زبێر دیارکر ژی، بۆ هەر مالەکێ ئێک سەلەیا گلێشی دێ هێتە دابینکرن و ل دەمێ ڕادەستکرنێ دێ ناڤ و ژمارا تەلەفۆنا خودانێ هێتە وەرگرتن.