سه‌رۆك نێچیرڤان بارزانى و بالیۆزێ بریتانیا ل ئیراقێ كۆمبوون و بالیۆزێ بریتانی پێشوازی ل دویماهى كۆمبوونا پارتى و ئێكه‌تیێ كر.
ل گۆره‌ى راگه‌هاندنه‌كا سه‌رۆكاتیا هه‌رێما كوردستانێ، نێچیرڤان بارزانى سه‌رۆكێ هه‌رێما كوردستانێ پێشوازى ل ستیڤن چارلس هیچن، بالیۆزێ بریتانیا ل ئیراقێ و شانده‌كا ل گه‌ل كر و د كۆمبوونێ دا، هه‌ردو ئالیان دوپاتى ل به‌رده‌وامیا دانوستاندنان بۆ چاره‌كرنا كێشه‌یێن هه‌ولێر و به‌غدایێ كر و دویماهى كۆمبوونا پارتى و ئێكه‌تى ژى ب ئه‌رێنى ب ناڤكرن.
ل دۆر كێشه‌یێن ده‌ڤه‌رێ ژى، هه‌ردو ئالی د هه‌ڤرا بوون كو پێدڤیه ئارامى و سه‌قامگیریا ده‌ڤه‌رێ بهێته پاراستن و ئیراقێ خۆ نه‌كه‌ته پشكه‌ك ژ وان كێشه‌یان.