ئاکرێ نیوز:
ئەڤرۆ روژا دووشەمبی ل هۆلا کونفرانسان ل ئاکرێ ب ئامادەبوونا دکتور عەلی تەتەر پارێزگارێ دهۆکێ و د.مەردان خدر بەرپرسێ لقا نەھ یا پارتی دیموکراتی کوردستان و بریکارێ وەزارەتا رەوشەنبیری و چەندین سازیێن حکۆمی و حیزبی و کەسایەتیێن جودا جودا ژلایێ دبیاڤێ رەوشەنبیری، بزاڤا رەوشەنبیری ل ئاکرێ و رێڤەبەریا رەوشەنبیری و هونەری ئێکەم دیدارا ئەدەبی ب چەندین چالاکیان ب رێڤەچوو.
ل دەست پێکێ کاوە زوهێر بەرپرسێ براڤا رەوشەنبیری ل ئاکرێ پەیڤەک پێشکێشکر و بخێرهاتنا ئامادەبوویان کر دیارکر کو ل گۆر ئەو پلان و بەرنامێ مەدانایی ئەڤرۆ دێ چەندین برگە و چالاکیێن جودا جودا هێنە ئەنجادان ل دیدارا ئەدەبی دا کو ڤەکولین و مژارێن ئەدەبی دهێنە گەنگەشەکرن تێزانین ئەڤ دیدارە هەتا کو دەمژمێر 5:0ێ ئێڤاری دێ چالاکی بەردەوام بن ل ڤێ دیدارێ دا.
هەڤدەم بەرپرسێ بزاڤێ دادیارکرن کو ئارمانجا مە ل ئەنجامدانا ڤێ دیدارا ئەدەبی ل ئاکرێ ئەم خزمەتا هونەر و ئەدەبێ کوردی بکەین و هەمی نڤیسەر و رەوشەنبیر و ئەدەب دوستان ل ئاکرێ و دەرڤە کومبکەین و بەرهەم و تێکست و ڤەکولینێن نڤیسەرێن ئەدەبی بەرچاڤ بکەین و بەرهەمێن نڤیسەران چابکەین و خزمەتا هۆنەر و ئەدەبێ کوردی بکەین تایبەت ل دەڤەرا ئاکرێ.
د.عەلی تەتەر پارێزگارێ دهۆکێ ل پەیڤەکێ دا دیارکر کو ئەم وەکو حکومەتا هەرێما کوردستانێ بەردەوام پشتەڤانیا هەر بزاڤەکا رەوشەنبیری دکەین بشێوەکێ گشتی،ئاکرێ باژێرەکێ هونەر دوست و ئەدەب دوستە، لەوا ئەم پشتەڤانین بۆ ڤێ دیدارا ئەدەبی دا و داخواز دکەین ل سالێن بهێت بەرفرەهتر رێکخستی تر ئەڤ دیدارە بهێنە بەرفرەهکرن و ئەم ژی کەمتەرخەمیێ بۆ ناکەین ،چونکی ئەم مللەتێ زولم لێکرینە و دوژمنان هەردەم ڤیایە کلتور و ئەدەب و زمانێ مە ژناڤ ببەن،لێ کلتور و زمان و ئەدەب و جوگرافیا مە هەر یا پاراستی یە و ئەم دێ هەردەم کارکەین و پشتەڤان بین ل هەمی بواراندا بۆ هندێ کلتورێ مە هەردەم یێ پاراستی بیت و جوانتربیت،چونکی ئەڤە ملکێ مەیە و دێ هەر مینیت بۆ مللەتێ مە.