ئاکرێ نیوز:
شێرزاد حسو سەرۆکێ سەندیکا کرێکاران ل ئاکرێ بۆ ئاکرێ نیوز دا دیارکرن کو سالێن بەری نها هێلێن ڤەگۆهاستنا هاولاتیان هەبوون کو پاس و رەفان هاولاتی ڤەدگوهاستن ل سەنتەرێ باژێرێ ئاکرێ کو ئەوژی بارسڤکی بوو بۆ هاولاتیان بۆ وان کەسان یێت ترۆمبێل نە یان بارێ دارایی خراب،لەوما مە وەکو سەندیکا کرێکاران و سەندیکا ڤەگۆهاستنێ داخواز ل رێڤەبەریا ڤەگۆهاستنا ئاکرێ کر کو جارەکا دی ئەو هێلە بکەڤنە کاری کو خواستا خەلکەکێ یا ل سەر هەی حەزدکەن ئەو هێلە دوبارە کارا بن،لەوا بریار هاتەدان جارەکا دی ئەو هێلە بکەڤنە کاری.
زێدەتر گۆت ئەڤ هێلێن رەفا ل حەفتیا بهێت روژا دووشەمبی ئەو هێلە دێ دەست بکارێ خۆ کەن و خەلکی ڤەگۆهێزن،چەندین ویستگەھ ناڤ سەنتەرێ باژێرێ هاتینە دەست نیشانکرن،ویستگەهەک دێ ل بەر دەرێ قشلا ئاکرێ بیت،هتا سەرێ مجمعێ،هەروەسا ویستگەهەک دێ ل تاخێ یازدێ ئەیلۆل بیت و ل تاخێ ئالەیێ،هەروەسا هێلەک دێ ل تاخێ سوسنا و کوچینەی هێتەدانان بۆ ڤەگۆهاستنا هاولاتیان.
سەرۆکێ سەندیکا کرێکاران گۆت ژی وەکو دەست پێک ئەڤە دێ تێست بیت ئەگەر مەدیت خواستا خەلکی زورا ل سەر هەی،ئەم دێ شێین هندەک هێلێن دی زێدەکەین،هەتا ئەگەر پێدڤی بوو ئەم دێ شێین ویستگەهێن دەرڤەی باژێرێ ژی دێ زێدەکەین،ئەو بهایێ هاتیە دیارکرن ل(500 دینارا بۆ ناڤ سەنتەرێ باژێری و بهایێ 750 دینارا بۆ وان یێت دویر تر بۆ ڤەگۆهاستنا وان هاولاتیان.