ل زالگه‌هێن ئیراقێ رێگرى ل ماموستایێن نه‌رازى یێن هه‌رێما كوردستانێ دهێته كرن بچنه به‌غدایێ و ل وێرێ خۆنیشادانان بكه‌ن.
پشكه‌كا مامۆستایێن پارێزگه‌هێن سلێمانى و حه‌له‌بچه ژ ده‌ستپێكا ده‌واما ئه‌ڤساله یا خواندنێ، ده‌وام بایكۆتكرى یه هژماره‌كا مه‌رجان هه‌نه بۆ ده‌ستپێكرنا ده‌وامێ وه‌كى دانا موچه‌یان ل ده‌مێ خۆ و بێ گیرۆكرن.
مامۆستایێن نه‌ڕازى كو بڕیار دایه ئه‌ڤرۆ بچنه به‌غدا و ل مه‌یدانا ته‌حریر ده‌ست ب خۆنیشادانان بكه‌ن، لێ ل هه‌مى زالگه‌هێن سه‌ر ب حكومه‌تا ئیراقێڤه رێگرهى ل چونا وان دهێتـه كرن و ناهلێن ده‌رباز ببن.
ل گۆره‌ى زانیاریان عەبدولئەمیر شەمەرى، وەزیرێ ناڤخۆیا ئیراقێ بڕیار دایه رێگرى ل چوونا مامۆستایێن هه‌رێمێ بهێته كرن. ل همبه‌ر ژى مامۆستایێن رێگرى لێ هاتیه كرن د نها دا رێكا بانى مه‌قام – چه‌مچه‌مال گرتى یه و دخوازن رێكا وان بهێته ڤه‌كرن.