ئەڤرۆ نێچيرڤان بارزانى، سەرۆكێ هەرێما كوردستانێ پێشوازى ل حوسێن عه‌لى سالح ئه‌لفه‌زاله، ئێكه‌م كۆنسولێ گشتی یێ قه‌ته‌ر ل هه‌رێما كوردستانێ كر كو پشتی ڤەكرنا كۆنسولخانه‌یا گشتى یا قه‌ته‌رێ ل هه‌ولێرێ، ده‌ستبه‌كاربوویە.
د دیدارێ دا، نێچيرڤان بارزانى زێدەباری پيرۆزباهيیا ده‌ستبه‌كاربوونێ ل ئه‌لفه‌زاله، هەمی هاریكاری و پشتەڤانییا لايه‌نێن په‌يوه‌نديدار یێن هه‌رێما كوردستانێ بۆ سه‌رخستنا ئه‌ركێ وی و ئاماده‌ييا هه‌رێما كوردستانێ بۆ پێشڤەبرنا زێدەتر یا په‌يوه‌ندییان ل گه‌ل قه‌ته‌ر دووپات كر.
ژلایێ خۆ ژی ڤە کۆنسولێ گشتی یێ قەتەرێ ژی سلاڤ و ڕێزێن ميرێ قه‌ته‌ر ب سه‌رۆكێ هه‌رێمێ گەهاندن و خۆشحاليیا خۆ ب ڤەكرنا كۆنسولخانه‌یا وەلاتێ خۆ ل هه‌رێما كوردستانێ و ده‌ستبه‌كاربوونا خۆ وەكو ئێكەم كۆنسۆل ده‌ربڕى. هه‌روه‌سا دۆپات كر كو ئەو دێ هه‌می بزاڤان كەت بۆ وێ یەكێ په‌يوەندييێن وەلاتێ وی ل گەل هه‌رێما كوردستانێ، ب تايبه‌تى د بوارێن ئابووريدا، به‌ره‌ڤ پێش ببەت.
دوماهی پێشهاتێن ڕەوشا دەڤەرێ ب گشتى و چه‌ند پرسەكێن دی یێن جهێ بايه‌خا هەڤپشك، تەوەرەكێ دی یێ ديدارێ بوون.
کۆنسوڵخانەیا گشتی یا قەتەر ل 14 ئەیارا ئەڤسالە ل باژێڕێ هەولێرێ هاتە ڤەكرن وەك پێنگاڤەك بۆ بهێزکرنا پەیوەندییێن ئابووری، بازرگانی و ڕەوشنبیری دناڤبەرا دەولەتا قەتەر و هەرێما کوردستانێ دا.