سه‌رۆكێ هه‌رێما كوردستانێ سوبه‌هى ئه‌ینیێ دێ ل كۆچكا ئێلیزى ل پاریس ل گه‌ل سه‌رۆكێ فره‌نسا كۆمبیت و تێدا دێ به‌حس ل په‌یوه‌ندیێن فره‌نسا ل گه‌ل هه‌رێما كوردستانێ و ئیراقێ هێته كرن.
سه‌رۆكاتیا هه‌رێما كوردستانێ د به‌یانه‌كێ دا دیاركریه "نێچیرڤان بارزانى سه‌رۆكێ هه‌رێما كوردستانێ ل سه‌ر داخوازنامه‌یا فه‌رمى یا ئیمانوێل ماكرۆن سه‌رۆكێ فره‌نسا دێ سه‌ره‌دانا پاریس كه‌ت".
ئاماژه ب وێ چه‌ندێ ژى كریه "سه‌رۆك نێچیرڤان بارزانى ل رۆژا ئه‌ینیێ 3/11/2023 ل كۆچكا ئێلیزێ دێ ل گه‌ل سه‌رۆك ماكرۆنى كۆمبیت، هه‌ردو لایه‌ن دێ په‌یوه‌ندیێن فره‌نسا ل گه‌ل ئیراقێ و هه‌رێما كوردستانێ و پێشڤه‌برنا هاریكاریا هه‌ڤپشك و ره‌وشا ئیراقێ و ده‌ڤه‌رێ ب گشتى دێ به‌حسكه‌ن".
كۆچكا ئێلیزێ ژى د ده‌مه‌كێ دى دا ژ ئه‌ڤرۆ د به‌یانه‌كێ دا راگه‌هاند بوو كو سوبه‌هى ل ده‌مژمێر 11:00 سپێدى دێ سه‌رۆكێ هه‌رێما كوردستانێ ل گه‌ل سه‌رۆكێ فره‌نسا كۆمبیت.