ئه‌ڤرۆ چارشەمبی 22-11-2023 ێ، مەسرور بارزانى، سه‌رۆكێ حکومەتا هه‌رێما كوردستانێ، پێشوازى ل شانده‌كێ سەربازی یێ بریتانی ب سەرۆکاتییا مارشال سامى سيمپسن، مه‌زنه شیره‌تكارێ به‌رگريیا بريتانى ل ڕۆژهه‌لاتا ناڤین و باكوورى ئەفریقا كر.
د وێ كۆمبوونێ دا دانوستاندن ده‌ربارەیی پێشڤه‌چوون و هەماهەنگی و هاریکارییا ئەمنی و سەربازییا دولایەنی هاته کرن.
تەوەره‌كێ وێ کۆمبوونێ یێ تایبەت بوو ب شەر و ئاڵۆزییێن ڕۆژهەلاتا ناڤین و هەردو ئالی هه‌ڤرابوون ل سەر گرنگییا پاراستنا ئاشتی و سەقامگیرییا ڤێ ده‌ڤه‌رێ و دوورخستنا عێراقێ ژ شەڕ و پێکدادانێن سەربازی.
سەرۆکێ حکومەتێ ته‌كه‌زی ل سه‌ر پاراستن و دەستەبەرکرنا مافێن دەستووری یێن خەڵکێ کوردستانێ و ڕێزگرتن ل قەوارێ یاسایی و دەستووری یێ هەرێمێ و ب هێزكرنا سیستەمێ فیدرالی یێ عێراقێ کرییە.
سەرۆکێ حکومەتێ ته‌كه‌زی كرییه كو پێدڤییە جڤاكێ نێڤدەولەتی ڕۆلێ خۆ یێ کارا د چارەسەرکرنا کێشێن دناڤبه‌را هەرێما کوردستانێ و حکومەتا فیدرالی دا بگێڕیت.