ئاکرێ نیوز:
بروا فاروق رێڤەبەرێ ناحیا بجیلێ بۆ ئاکرێ نیوز دا دیارکرن کو سێ قوتابخانە دێ ل ناوچەداریا بجیلێ هێنە چێکرن،ژوان ژی قوتابخانەکا چوار پۆلی دێ ل گوندێ سەوسول هێتە چێکرن،ب کوژمێ 66 ملیونان کو نها دەست کارکرنێ هاتیەکرن و 5%ێ کار تێداکریە.
زێدەتر گۆت کو هەروەسا قوتابخانەکا بنەرەت ل سەنتەرێ کەلاتێ ل سەر بودجا گەشەپێدانا بەغدا کو قوتابخانەکا چوار پۆلی یە ب کوژمێ 87ملیونان ئەڤ پرۆژە ژی دهێتە جێبەجێکرن،ئەڤ پرۆژە ژی یێ ل دەست پێکا کارکرنێ دا،دێ ئەڤ قوتابخانە ژی مفایەکێ باش گەهینتە خەلکێ کەلاتێ،چونکی کەلات دوو بەشە جادا سەرەکی ل ناڤ گوندی دا دەرباز دبیت و مەترسیا رویدانێن هاتن و چوونێ سەر قوتابیان هەبوو هەتا دەربازبان،لێ ئەو ئاریشە ژی نامینیت پشتی تەمامبوونا قوتابخانێ.
رێڤەبەرێ ناحیێ ل داویێ ژی گۆت کو قوتابخانەکا هەژدە پۆلی ژلایێ جەنابێ سەرۆکێ حکومەتا هەرێما کوردستانێ رێزدار مەسرور بارزانی راگەهاندبوو کو رەزامەندی ل سەر بهێتەکرن،ئەوژی یا گەهشتی یە قوناغا تەندەری دا و دێ کەڤیتە قوناغا جێبەجێکرنێ دا،ئەڤ قوتابخانە ژی دێ کێشا قوتابیان ل سەنتەرێ ناحیا بجیلێ چارەسەرکەت