ئاکرێ نیوز
بلند رزا زبێر، سەروکێ باژێرڤانیا ئاکرێ بۆ ئاکرێ نیوز دیارکر کو ئەڤرو هژمارەکا تیمان هاتنە پێک ئینان و کەڤتنە د حالەتێ ئامادەباشیێ دا ژ بۆ هەر روودانەکا نەخوازراو ژ لەهی و لافاوان د ماوێ 48 کاتژمێرێن داهاتی دا ، ژبە رکو ل گۆرەی پێشبینیێن رێڤەبەریا کەشناسیێ د ماوێ 24 دەمژمێرێن بهێت دا مەترسیا پەیدابوونا لەهیان و بارانێن بۆش هەنە.
ئەڤ چەندە ژی گوت تیمێن باژێرڤانیێ و کۆمپانیا MRF نێزیكی دوو هەیڤانە كار دكەن و بەرهەڤیێن وەرزێ زفستانێ دکەن ژ بۆ چارەسەكرنا ئاریشا ڤەكرنا (ئاڤرێژان) و پاقژكرنا جهێن دبنە ئەگەرێ ئاڤ پەنگینێ هەروەسا راكرنا گیایێ زێدە و قەرەمی ئەوێن بوینە رێگر ل ئاڤێ نەخاسم نهالێن ئاکرێ ،دا كو زیانێن لەهیان ل سەر وەلاتیان كێم بن.
و گوت باژێرڤانیا ئاکرێ بەروەخت سێ هژمارێن موبائیلێ بەلاڤکرینە ژبۆ رویدانێن نەخواستی و کارئاسانیکرن ژبۆ هەڤوەلاتیان ژبال تیمێن باژێرڤانیێ.