ئاکرێ نیوز:
رێڤه‌به‌رێ چاڤدێری و گەشەپێدانا،جڤاکی دا دیارکرن کو ل هه‌ردوو قه‌زایێن ئاكرێ و به‌رده‌ش 2867 كێم ئه‌ندام موچێ هه‌یڤانه وه‌ردگرن،هه‌روه‌سا 4400 كه‌س ئه‌وێن بن ناڤێ چاڤدێریا خێزانى هه‌نه،لێ ل سالا 2015 هه‌تا نها موچێ وان هاتیه‌راگرتن.
غازى محمد گاهر رێڤه‌به‌رێ چاڤدێرى و گه‌شه‌پێدانا جڤاكى ل ئاكرێ بۆ ئاکرێ نیوز دا دیاركرن كو ل رێڤه‌به‌ریا مه دوو به‌ش هه‌نه ئه‌وژى به‌شێ(كێم ئه‌نداما و به‌شێ چاڤدێریا خێزانى)،ئه‌و كێم ئه‌ندامێن هاتینه توماركرن هه‌تا سالا 2013ێ هه‌مى خودان موچه‌نه و به‌رده‌وام موچێ خوه وه‌ردگرن كو ل سنورێ رێڤه‌به‌ریا مه كو هه‌ردوو قه‌زایێن ئاكرێ و به‌رده‌ش بخۆڤه‌دگریت 2867 كێم ئه‌ندامێن ڤى شێوه‌ى هه‌نه،هه‌روه‌سا پشتى سالا 2013 هه‌تا نوكه نزیكى 2هزار كێم ئه‌ندامێن دى هاتینه توماركرن وه‌كو كێم ئه‌ندام و لیژنێ رێژا كێم ئه‌ندامیا وى ژى دیاركریه و رێكارێن كارگێرى و ساخله‌مى هاتینه رێڤه‌برن و گه‌هشتى نه وه‌زاره‌تا كاروبارێن كومه‌لایه‌تى و خودان پێدڤیێن تایبه‌ت،لێ كێشا دارایی بوویه رێگر كو موچه بۆ وان نه‌هێته دابینكرن.
گۆت هه‌روه‌سا به‌شێ دى كو چاڤدێریا خێزانى بخۆڤه‌دگریت كو ئه‌وژى كه‌سێن(دانعه‌مر،دایكه هێتیم،زاروكێن بێ دایك و باب لبن 18 سالیێ،قوتابیێ خێزاندار،خێزانا حكومدار،كه‌سێن نه‌خوش) كو ل سنورێ رێڤه‌به‌ریا مه هه‌تا 4400 كه‌سن كو ئه‌وژى ل مه‌ها 9 یا سالا 2015 هه‌تا نوكه موچێ وان هاتینه راگرتن،ئه‌وژى ژبه‌ر كێشێن دارایی پارێ وان هاتیه راگرتن،هه‌تا كو بارودوخ دروست بیت ئه‌م وێ باوه‌ریێ نه دێ حكومه‌تا مه موچێن وان دوباره ده‌ست پێكه‌ته‌ڤه.
سه‌باره‌ت نه‌خۆشێن ئوتیزمێ ناڤهاتى گۆت كو ل سنورێ رێڤه‌به‌ریا مه كو دوو قه‌زایان بخوڤه‌دگریت 99 نه‌خوشێن ئوتیزمێ یێن توماركرى هه‌نه كو مه‌هانه موچى 150 هزاران وه‌ردگرن.