كۆمپانیا گووگل ده‌ست ب تاقیكرنا گوهۆڕینا لاپه‌رێ سه‌ره‌كى ژ مالپه‌رێ خۆ كریه ئه‌و ژى ب زێده‌كرنا بابه‌تێن پێشنیاركرى یان یێن گرنگ بۆ بكارهینه‌رى د بن خانه‌یا لێگه‌ڕیانێ دا.
مالپه‌رى سه‌ره‌كى یێ گووگل ل سه‌ر دێسكتۆپى، ب تنێ خانه‌یا لێگه‌ڕیانێ تێدا هاتیه، گووگل تاقیكرنان دكه‌ت كو د بن دا ژماره‌یه‌كا تشتان زێده بكه‌ت وه‌كى هنده‌ك بابه‌تێن پێشنیاركرى بۆ بكارهینه‌رى، بهایێن پشكێن كۆمپانیان، ره‌وشا سه‌قاى و ئه‌نجامێن یاریان.
لارا لێڤین په‌یڤدارا گووگل ئه‌ڤ چه‌نده بۆ مالپه‌رێ The Verge پشتراستكر و گۆت "ئه‌ڤ گوهۆڕینه وه‌ك تاقیكرن ل هندێ ده‌ستپێكریه".
گۆت ژى: ئه‌ڤه كاره‌كه ژ بۆ مفاگه‌هاندنێ ب بكارهینه‌ران هه‌روه‌سا خۆدانێن مالپه‌ران ژ بۆ گه‌هاندنا ناڤه‌رۆكا بابه‌تێن وان بۆ بكارهینه‌ران ب رێكا بابه‌تێن پێشنیاركرى.
ناڤێ ساخله‌تێ نوى Discover Feed ـه و دێ ل لاپه‌رێ ده‌ستپێكى یێن Google.com هه‌بیت.
تا نوكه بڕیار نه‌هاتیه دان كا دێ گووگل وێ گوهۆڕینێ ئه‌نجامده‌ت بۆ هه‌روهه‌ر یان نه، لێ وه‌كى دیار ئه‌نجامێن تاقیكرنا ل هندێ ده‌ستپێكرى دێ ڤێ چه‌ندێ ئێكلاكه‌ت.