حکوومەتا هەرێما کوردستانێ راگەهاند، کۆ بانکا نشتیمانیا عێراقێ (NBI) دێ بیتە ئێک ژوان بانکا کۆ پشکداریێ ل پرۆژێ "هژمارا من " بکەت.
ماڵپەرێ فەرمیێ حکوومەتا هەرێما کوردستانێ بڵاڤکر ، حکوومەتا هەرێما کوردستانێ ب کەیف خوشیڤە رادگەهینیت، کۆ بانکا نشتیمانیا عێراقێ(NBI) دێ بیتە ئێک ژوان بانکا کۆ دێ پشکداریێ ژ پرۆژێ "هژمارا من" کەت، دگەل ڤێ بانکێ دێ بیتە پێنج بانک کۆ پشکدارن، ئەوژی هەر ئێک ژ بانکێن(Ashur،BBAC،Cihan،NBI،RT).
هەروەها د نووچەیێدا هاتیە کۆ ئەڤ پێنگاڤە پشکەکە ژ بزاڤان بۆ تەرخانکرنا بانکێن زێدەتر بۆ وڵاتیان کۆ بەرهەم و خزمەتگوزاریێن زێدەتر بۆ پشکدار و مفادار و مووچەخۆران پێشکەش بکەت، هەروەها پێنگاڤەکە بۆ پەرەپێدان و پێشبرکێیەکا ساخلەم ژ کەرتێ بانکی و خزمەتگوزاریێن دارایی.
حکوومەتا هەرێما کوردستانێ ، ژ پێشکێشکرنا زەلالکرن و بەرچاڤ روهنی ل سەر ئۆفەر و رسوماتێن وان بانکا دێ یا بەردەوام بیت و پێشبێنیێ ژی دکەت کۆ هەڤبەشی د گەل بانکا NBI و بانکێن دی بەرفرەهتر بیت، ب تایبەتی چاڤەرێ دهێتەکرن کۆ دساڵا بهێتدا شێوازێ پارەدانا دیجیتالی بهێتە دەستەبەرکرن و بکەڤیتە دخزمەتا وڵاتیان و بانکێن زێدەتر ژی پشکداریێ د پرۆژێ "هژمارا من " بکەن.