نێچیرڤان بارزانى سه‌رۆكێ هه‌رێما كوردستانێ پێشوازى ل تۆماس سیله‌ر بالیۆزێ نوو یێ ئێكه‌تییا ئورۆپا ل عیراقێ كر.
د دیداره‌كێدا سه‌رۆك نێچیرڤان بارزانى پیرۆزباهییا ده‌ستبكاربوونێ ل سیله‌رى وه‌كو بالیۆزێ نوو یێ ئێكه‌تییا ئورۆپا ل عیراقێ كر، هیڤییا سه‌ركه‌ڤتنێ د كار و ئه‌ركێن نوودا بۆ خواست، هه‌روه‌سا پشته‌ڤانییا هه‌رێما كوردستانێ بۆ كار و چالاكییان و هه‌ماهه‌نگییا دگه‌ل ئێكه‌ییا ئورۆپا ده‌ربری.
ژلایێ خۆڤه بالیۆزێ ئێكه‌تییا ئورۆپا خۆشحالییا خوه ب دیدارا سه‌رۆكێ هه‌رێما كوردستانێ و كاركرن ل عیراقێ نیشاندا، كورتییه‌ك ده‌رباره‌ى پلانا داهاتى ل عیراقێ و هه‌رێما كوردستانێ ب تایبه‌ت پێشخستنا بوارێن ئابوورى و سه‌قامگێرى و مافێن مرۆڤى خواند.