ئه‌ڤه هه‌یامه‌كه کار ب دەستێن بلند یێن رووسییا، گه‌فێن ب کارئینانا چەکێ ئەتۆمی دکەن و هۆشدارییێ ژی ژ دروستبوونا شه‌رێ سێیێ یێ جیهانی ددەن، د دیدارا 20 ێ یا یانا ڤالدا یا نێڤدەولەتی ل سۆچی ل رووسییا، ژ بلی هندێ كو پانێله‌كێ هاته كرن یێ تایبەت ب مەترسییێن دروستبوونا شەرێ ئەتۆمی، گه‌له‌ك به‌حسێ وی بابه‌تی هاته كرن.
"فرەجەمسەرییا دادپەروەرانە و چاوانییا دابینکرنا ئاسایشێ و گەشەپێدانێ بۆ هەموویان"، ناڤونیشانێن دیدارا 20 ێ یا یانا ڤالدا یا نێڤدەولەتییە ل سۆچییا رووسییا، کار ب دەست و پسپۆڕان د هه‌موو پانێلان دا گه‌له‌ك سەرنج خستنە سەر قەیرانا ئۆکراینا و دژواربوونا وێ قووناغێ.
ئەکادیمی یێن رووسی وه‌سا دیار دكه‌ن كو وه‌لاتێن رۆژئاڤا، مۆسکۆ دكێشنه هندێ كو چەکێ ئەتۆمی ب كار ببینیت و شه‌رێ جیهانی یێ سێیێ دەستپێبكه‌ت.