لدووڤ راپۆرته‌كا پێگەهێ "عێراق ئۆیل ریپۆرت"، حکومەتا تورکیا ل ده‌ستپێكا هه‌یڤا ئۆکتۆبەرا ئەڤ ساله ب شێوەكێ فەرمی بەرپرسێن حکومەتا عێراقێ ئاگه‌هدارکرینە کو بۆرییا نەفتێ یا دناڤبه‌را هەردو وه‌لاتان یا ئامادەیە بۆ دوبارە هنارتنا نەفتا هەرێما کوردستانێ.
وێ ڕاپۆرتێ پشت ب نامەكا فەرمی یا کۆمپانیا ب بازاڕکرنا نەفتا تورکیا ناسیار ب 'بۆتاش' بەستییه" کو ل رۆژا دوشەمبی، 2 ی ئۆکتۆبەرا 2023 ێ، بۆ هه‌ڤكیفا خۆ یا عێراقی (سۆمۆ) هنارتییە، ب شێوەكێ فەرمی بەرپرسێن حکومەتا عێراقێ ئاگه‌هدار کرینە كو بۆرییا نەفتا عێراقێ -تورکیا دناڤا ئاخا تورکیا دا یا ئامادەیە بۆ ڤه‌گوهاستن و بارکرن و کۆگه‌هكرنا نەفتێ.
هه‌روه‌سا ئاماژی ب هندێ دایه كو، ل رۆژا چارشەمبی، 4 ی ئۆکتۆبەرا 2023 ێ" ئه‌و دشێن هنارتنا نەفتا هەرێما کوردستانێ دەستپێبکه‌ن".