ئاکرێ نیوز:
ل دویڤ فەکولینان هاتیە دیارکرن کو زیانێن شەکرا سپی زورن و هاتینە ئاشکراکرن،بەلێ هندەک ژ خەلکی دپرسن ئەرێ ئەو شەکرا ناف فێقی هەمان زیان هەنە بۆ ساخلەمیا مروڤی و پێدڤی یەل خارنا فێقی دویرکەڤین،دڤی دەربارەی دا دێ چەند زانیاریان دەینە دیارکرن.
ئەو شەکرا ناڤ فێقی ل ماددەیێ فرکتۆز پێکهاتی یە،پشتی خوارنێ ب رێکا مێلاکێ دهێتە گوهرین بۆ ماددەیێ گلۆکۆز،کو سەرچاوێ وزێ بکاردئینیت،ئەڤەژی دبیتە ئەگەرێ بەرزبوونا ئاستێ شەکرێ دناڤ خوینێ دا، ئەگەر بکارنەئینا دێ هێتە گوهرین بۆ چەوری و دناڤ لەشی دا.
فرکتۆز ل ناڤ زەرزەواتی دا یا هەی ب رێژەکا کێمتر بۆ نمونە ل ناڤ پیڤاز و سیر و بڕۆکلی دا،هەتا ل رجێمێ دا ئێکە بلەزترین رجێمان بۆ دابەزاندنا کێشا لەشی.
٭بەلێ شەکرا دناڤ فێقی دا زور جیاوازیاهەی
١ـ وی دەمی شەکرا دناڤ فێقی دا زیانێن هەی، کو رێژەکا زور بهێتە خوارن،ئەڤە ژی زەحمەتە،چونکی گەددەیێ مروڤی جهێ وێ بڕا زور یا خارنێ ناکەت.
٢ـ شەکرا ناڤ فێقی ب برەکا کێم هێدی دچیتە مێلاکێ،چونکی هەرسکرنا فێقی پێدڤی ب دەمەکێ زێدەتر یاهەی.
٣ـ ل بەر هندێ مروڤ هەست ب تێربوونێ دکەت،پشتی خوارنا فێقی،بەرهندێ رێگریێ دکەت ل زوربوونا کێش و قەلەوی و زێدەبوونا چەوریا لەشی.
٤ـ فێقی یێ دەولەمەندە ب ئاڤ و ریشاڵ و ماددە دژە ئوکسانەکان و ڤیتامین و کانزاکان،بەرهندێ زور گرنگە بۆ ساخلەمیا لەشی، ب تایبەت مێلاکێ و پاکژکرن ل ماددە ژەهراویان،هەروەسا فێقی ناهێتە گوهرین ل ناڤ لەشی بۆ ژەهرێ وەک هندەک کەس بانگەشێ بۆ دکەن.
٭هندەک تێبینی
فێقیێ هشک برەکا زێدەتر وزێ یا تێدا پێدڤیە کێمتر بهێتە خوارن.
٢ـ شەربەتا فێقی یا ئامادەکری و فرێش رێژەکا زور یا وزێ یا تێدا،پێدڤیە نەهێتە ڤەخوارن.
٣ـ ئەو کەسێن حەساسی ب ماددێ فرکتۆز هەی کو نیشانێن خۆ هەنە، ب پشکنینا دەردکەڤیت پێدڤیە فێقی نەخۆن.