سپێدەهییا ئه‌ڤرۆ شه‌مبی 7ێ 10ێ 2023، ب هزاران مووشه‌ك ژ كه‌رتێ غه‌ززا فه‌له‌ستین، ئاراستەی ناڤ جه‌رگێ ئیسرائیلێ هاتنە كرن.
بزاڤا حه‌ماس ئاشكرا كر، كو پێنج هزار مووشه‌ك ژ که‌رتێ غه‌زە، ئاراستەی ئیسرائیلێ كرن.
مەدیایێن ئیسرائیلێ ئاماژە بۆ وێ ئێکێ دكه‌ن، كو ژبەر وان بۆردوومانان، ئافره‌تەكێ ژیانا خو ژ ده‌ستدا و 15 كه‌سێن دن ژی بریندار بوون.
ئه‌و ژی دیارکر، د چه‌ند دەمژمێرێن بهێتدا لسه‌ر وێ كریارێ بنیامین نه‌تنیاهۆ، سه‌رۆك وه‌زیرێن ئیسرائیل دێ کۆمبوونه‌کا بلەز دگه‌ل مەزنە به‌رپرسێن ئه‌منیێن ئیسرائیلێ ساز کەت.
لەشکەرێ ئیسرائیل د ڕاگه‌هاندنەکێدا دیار، پشتی بۆردومانان هەژماره‌کا چه‌كداران ژی ل غه‌زە به‌رەڤ ئیسرائیلێ دەربازبوون و ته‌قێ ژی دکه‌ن.
ئه‌و بۆردوومان ژی پشتی وێ ئێکێ هات كو بزاڤا حه‌ماس ئۆپه‌راسێونەك ب ناڤێ ئۆپه‌راسیۆنا گه‌رده‌لوولا ئه‌قسا ل دژی ئیسرائیلێ راگه‌هاندیه.