مه‌سرور بارزانى سه‌رۆكێ حكومه‌تا هه‌رێما كوردستانێ پێشوازى ل عه‌مار ئه‌لحه‌كیم سه‌رۆكێ ڕه‌وتا نیشتیمانییا حكمه كر.
دكۆمبوونێدا دانوستاندن ل دۆر دووماهى گوهۆرین و پێشهاتێن ره‌وشا عیراقێ و ده‌ڤه‌رێ و پێدڤى و گرنگییا چاره‌سه‌ركرنا ئاریشه‌یێن دناڤبه‌را هه‌رێما كوردستانێ و حكومه‌تا فیدرالدا هاتنه‌كرن.
سه‌رۆكێ حكومه‌تێ دووپاتى ل هندێ كر، ئه‌گه‌ر نیاز پاقژى هه‌بیت، چاره‌سه‌ركرنا ئاریشه‌یان یا بزه‌حمه‌ت نابیت، دووپاتى ل هندێ ژى كر، پێدڤییه وه‌كو قه‌واره‌یه‌كێ ده‌ستوورى و فیدرالى و ژ چارچووڤێ ده‌ستوورى، سه‌ره‌ده‌رى دگه‌ل هه‌رێما كوردستانێ بهێته‌كرن.
سه‌رۆكێ ڕه‌وتا نیشتیمانییا حكمه ئاماژه ب هندێ دا، سه‌ره‌دانا ڤێ دووماهییێ یا سه‌رۆكێ حكومه‌تێ بۆ به‌غدا، رۆله‌كێ گرنگ و ئه‌رێنى د ڕوونكرنا بابه‌تێن په‌یوه‌ندیدار ب ئاریشه‌یێن ناڤبه‌را هه‌رێمێ و حكومه‌تا فیدرالدا هه‌بوو، گوت ژى: نوكه ده‌رفه‌ته‌كا باش بۆ چاره‌سه‌ركرنا ئاریشه‌یان ب رێكا دانوستاندنان و ب هێزكرنا باوه‌رییێ ل سه‌ر بنه‌مایێن رێككه‌ڤتنان و ده‌ستوورى هه‌یه.