خه‌لاتێ ساخارۆڤا 2023ێ بۆ ئازادییا هزركرنێ ب ژینا ئه‌مینى و بزاڤا ژن، ژیان، ئازادى هاته به‌خشین.
په‌رله‌مانێ ئورۆپا ناڤێ خۆدانێ خه‌لاتێ ئه‌ڤ ساله یێ ساخارۆڤا ئاشكراكر و دێ ب كچه كوردا خه‌لكێ باژێر سه‌قز ژینا ئه‌مینى هێته به‌خشین، كو ژینایێ ل 16-9-2022ێ ل ته‌هرانێ گیانێ خوه ژ ده‌ستدابوو كو به‌رى وىێ ب سێ رۆژان ل بنگه‌هێ پۆلیسێن ره‌وشتى ل ته‌هرانێ ساخله‌مییا وێ تێكچووبوو.
هه‌روه‌سا خه‌لات دێ ب بزاڤا ژن، ژیان، ئازادى هێته‌دان، كو پشتى گیان ژ ده‌ستدانا ژینا ئه‌مینى ل رۆژهه‌لاتێ كوردستانێ و ئیرانێ دژى ده‌ستهه‌لاتا ئه‌وى وه‌لاتى ده‌ستپێكر و زێده‌تر ژ چار هه‌یڤان یا به‌رده‌وام بوو.