مەسرور بارزانى، سه‌رۆكێ حکومەتا هه‌رێما كوردستانێ، پێشوازى ل ئەحمەد ئیبراهیم ئەلزاهری، كونسۆلێ گشتيیێ ئيماراتێ ل هه‌رێما كوردستانێ كر.
كونسۆلێ گشتيیێ ئيماراتێ، داخوازنامەیا شێخ محەمەد بن ڕاشد ئال مەکتووم، جێگرێ سەرۆکێ دەولەتا ئیماراتێ و سەرۆکێ جڤاتا وەزیران و حاکمێ میرنشینا دوبەی گەهاندنە سەرۆکێ حکومەتێ بۆ پشكداریكرن د كۆمبوونا گوپیتكا جیهانییا سەقاییCOP28 كو دێ ل ڕۆژێن ئێك و دوو یێن هەیڤا 12 ل دوبەی هێتە ئەنجامدان.
د ئەوێ گوپیتكێدا دێ دانوستاندن لدۆر بەرهنگاربوونا لێكەڤتێن نەرێنی یێن گهۆرینێن سەقایی ل سەر وەلاتێن جیهانێ هێتەكرن.