سه‌رۆك مه‌سعوود بارزانى ل سه‌لاحه‌دین پێشه‌وازى ل شانده‌كێ بلندێ هه‌ڤپه‌یمانیا حه‌مواربى كر و رژدى ل مانا كرستیانان لسه‌ر جهــ و وارێن وان و كۆچ نه‌كرنا وان بۆ ده‌رڤه كر.
پشتى پێشه‌وازیكرنا سه‌رۆك بارزانى ل شاندێ هه‌ڤپه‌یمانیا حه‌مورابى یا كرستیانان د دیداره‌كێ دا هه‌ردو ئالیان دوپاتى ل كویركرنا بنه‌مایێن شه‌راكه‌ت، ته‌وافوق، هه‌ڤسه‌نگی، پێكڤه‌ژیان و سه‌قامگیریا پێكهاتهی‌ێن كوردستانێ كر.
ئه‌ندامێن شاندێ هه‌ڤپه‌یمانیا حه‌مورابى، سپاسیا سه‌رۆك بارزان كرن، بۆ رۆلێ وى یێ سه‌ره‌كى و دهه‌وارچوونا لێقه‌و‌مایێن كاره‌ساتا حه‌مدانیێ كو تێدا سه‌دان كه‌سان گیانێ خۆ ژ ده‌ستدا و برینداربوون.
ژ لایێ خۆڤه سه‌رۆك بارزانى ژبلى دوپاتكرنێ لسه‌ر پشته‌ڤانیا كرستیانان و هه‌مى پێكهاته‌یان، دوباره پشته‌ڤانیا خۆ بۆ هه‌مى بزاڤان نیشاندا بۆ مانا كریستیانان لسه‌ر جهـ و وارێن خۆ و كۆچ نه‌كرنا وان بۆ ده‌رڤه‌ى وه‌لاتى.