مه‌سرور بارزانى سه‌رۆكێ حكومه‌تا هه‌رێما كوردستانێ پێشوازى ل ئه‌حمه‌د ئه‌لموبه‌رقه‌ع وه‌زیرێ وه‌رزش و لاوێن عیراقێ كر.
د دیدارا واندا ره‌وشا وه‌رزش و لاوان ل عیراقێ و هه‌رێما كوردستانێ و گرنگییا ب هێزكرنا هاریكارى و هه‌ماهه‌نگییا دناڤبه‌را ده‌زگه‌هێن په‌یوه‌ندیدارێن هه‌رێما كوردستانێ و حكومه‌تا فیدرالدا هاتنه گوتوبێژكرن.
سه‌رۆكێ حكومه‌تێ دووپاتى ل گرنگییا پشكداریكرنا هه‌رێما كوردستانێ د چالاكى و قاره‌مانییێن وه‌رزشى یێن نێڤده‌وله‌تیدا و كاركرن بۆ رێكخستنا چالاكى و قاره‌مانییێن نێڤده‌وله‌تى یێن وه‌رزشى ل هه‌رێما كوردستانێ ب هه‌ماهه‌نگییا ده‌زگه‌هێن په‌یوه‌ندیدارێن حكومه‌تا فیدرال كر.