بڕیارە ئەڤرۆ سەرۆكوەزیرێن بریتانیا سەرەدانا ئسڕائیلێ بكەت وەك بزاڤەك بۆ ڕێگریكرنێ ل بەرفرەهبوونا شەڕێ دناڤبەرا گڕۆپێن چەكدار یێن فەلەستینێ و ئسڕائیلێ دا.
میدیایێن وەلاتێ بریتانیا ئاشكەراكر ئەڤرۆ ڕیشی سۆناك، سەرۆكوەزیرین وی وەلاتی دێ سەرەدانا تەلئەبیبا ئسڕائیلێ كەت و ل گەل بنیامێن نەتەنیاهۆ، سەرۆكوەزیرێن وی وەلاتی و ئیسحاق هێرزۆگ، سەرۆكێ ئسڕائیلێ كۆم بیت.
سەرەدانا دەستهەلاتدارێن بریتانیا پشتی سەرەدانا دوهی یا جۆ بایدن، سەرۆكێ ئەمریكا دهێت، پشتی كۆمبوونێ ل گەل بەرپرسێن ئسڕائیلێ بایدنی پشتەڤانییا ئەمریكا بۆ ئسڕائیلێ دۆپاتكر و ڕاگەهاند، " هەر تشتەكێ ئسڕائیل پێدڤی بیت، ویلایەتێن ئێكگرتی دێ بۆ دابین كەت دا بەرگرییێ ژ خۆ بكەت. "
ڕۆژا 7 چریا ئێكێ، لڤینا حەماس ئۆپەڕاسیۆنا " تۆفانا ئەقسایێ " دژی ئسڕائیلێ ڕاگەهاند و بۆ دەمێ 13 ڕۆژایە بەردەوامە و زیانێن مەزن بەر ب هەردوو لایان كەفتینە.