وه‌زاره‌تا په‌روه‌ردێ یا حكومه‌تا هه‌رێما كوردستانێ راگه‌هاند، سه‌رۆكێ حكومه‌تا هه‌رێما كوردستانێ بریاردا شه‌ش ملیۆن و 600 هزار لیترێن گازێ بۆ ناڤه‌ندێن خواندنێ یێن حكومى ل هه‌موو رێڤه‌به‌رییێن گشتییێن پارێزگه‌هـ و ئیداره‌یێن سه‌ربه‌خۆ بهێنه دابینكرن.
پرۆسه‌یا به‌لاڤكرنا گازێ سوبه‌هى دێ ده‌ستپێكه‌ت، پێدڤییه هه‌موو لژنه‌یێن وه‌رگرتنێ و ناڤه‌ندێن خواندنێ ژ هه‌بوونا به‌لگه‌نامه‌یێن رێپێداى یێن سامانێن سروشتى سه‌باره‌ت كۆالیتییا گازێ خوه پشراست بكه‌ن، چ جۆره گازه‌كێ ژى بێى به‌لگه‌نامه‌یین سامانێن سروشتى وه‌رنه‌گرن.
ئاماژه ب هندێ ژى دا، پێدڤییه ناڤه‌ندێن خواندنێ پابه‌ندى گشتاندنا وه‌زاره‌تا سامانێن سروشتى ژماره ( 561 ) ل 24ى چریا دووێ یا 2022ێ بن، ژبه‌ركو په‌یوه‌ندى ب سلامه‌تییا مامۆستا، فه‌رمانبه‌ر، قوتابى و خوێندكارانڤه هه‌یه.