ئاکرێ نیوز:
بروا فاروق رێڤەبەرێ ناحیا بجیلێ بۆ ئاکرێ نیوز دا دیارکرن کو هژمارەکا پرۆژێن خزمەتگۆزاری ل ناحیا بجیل دهێنە جێبەجێکرن،کو نها کارکرن ل سەر بەردەوامە،ژگرنگترین پرۆژان رێکێن ناڤخۆیێن ناحیا بجیل و کەلاتێ نە،پروژێ رێکێن ناڤخۆ ل بجیلێ نها کارتێدا دهێتەکرن کو ب کوژمێ 312 ملیونان،کو 35% کارێ خۆ تەمامکریە،کو نزیکی 3کم ئەو رێک دێ هێنە قێکرن و کونکریتکرن،هەروەسا ل شارەوانیا کەلاتێ ژی رێکێن ناڤخۆنە کو ب کوژمێ نزیکی 790 ملیونان ل جێبەجێکرنێ دایە،کو نزیکی 30٪ پرۆژە تەمامبوویە.
رێڤەبەرێ ناحیا بجیلێ زێدەتر گۆت: هەروەسا پرۆژێ رێکا(ستریا،شەرەفونا کەندەگۆل)کو رێکەکا ستراتیژی یە و پێنج گوندان بخوڤە دگریت،چێکرنا ڤێ رێکێ دێ خزمەتەکا مەزن بۆ وان گوندان کەت، چونکی رێکێن وان دخرابن،کو نها ئەو پرۆژە ل جێبەجێکرنێ دایە ب درێژاهیا 8,5کم و بکوژمێ پتری ملیارەکێ یە دهێتە قێرکرن و 40٪ێ پرۆژە تەمامبوویە.
گۆت هەروەسا هژمارەکا پرۆژێن گرێدای ئاڤێ ل گوندێن(زنتا،کێلان، ماندیا ژووری،کێلا سنیان)کو ئەڤ پرۆژە ل 95٪ ێ تەمامبووینە، تنێ هندەک کارێن تەکنیکی ماینە کو تەمام بن و ئەو پرۆژە ژی دێ کەڤنە خزمەتا وان گوندان دا و دێ ئاریشا کێم ئاڤیێ ل وان گوندان ژی چارەسەربیت.