سه‌رۆكێ هه‌رێما كوردستانێ و كونسلێ گشتى یێ ئه‌مریكا ل هه‌ولێرێ به‌حس ل ئارمانجگرتنا هێزێن هه‌ڤپه‌یمانان و هه‌ڤكاریا ئێمناهیێ یا ناڤبه‌را د هه‌ولێر و به‌غدایێ دا كرن.
ئه‌ڤرۆ پشتى نیڤرۆ 23-10-2023یێ نێچیرڤان بارزانى، سه‌رۆكێ هه‌رێما كوردستانێ ل گه‌ل مارك سترۆ، كونسلێ گشتى یێ ئه‌مریكا ل هه‌رێما كوردستانێ كۆمبوو، دوماهى پێشهاتێن ره‌وشا ئالۆزا ناوچێ و رویدانێن ب ئامانجگرتنا هێزێن هه‌ڤپه‌یمانان و هه‌ماهه‌نگیا ئێمناهیێ د ناڤبه‌را هه‌ولێر و به‌غدایێ دا به‌حسكرن.
هه‌ر دو ئالیان دلگرانیا خۆ ژ ئه‌گه‌ر و مه‌ترسیێن به‌رفره‌هبوونا ئالۆزیان و لێككه‌فتێن وێ ل رۆژهه‌لاتا ناڤین ده‌ربڕین و دوپاتى ل گرنگیا پاراستنا هیزێن هه‌ڤپه‌یمانان و هنارتیێن دپلۆماسى ل ئیراق و هه‌رێما كوردستانێ و به‌رده‌وامیا هاریكارى و هه‌ڤكاریا ئێمناهیێ د ناڤبه‌را سوپایێ ئیراقێ و پێشمه‌رگه‌ى دا بۆ پاراستنا ئارامى وسه‌قامگێریێ كر.