ئاژانسا نووچە یا (فرانس پرێس) بەڵاڤکرییە، پارتیا كارکەرێن كوردستانێ بەرپرسیارەتییا خۆ ژ پەقینا خۆكوژییا سپێدەهیا دوهی یا ئەنقەرێ راگەهاند.
پەکەکێ بەرپرسیارەتییا خۆ ژ هێرشا ئەنقەرێ راگەهاند، کۆ بوویە ئەگەرێ برینداربوونا دوو ئەفسەرێن ڕێڤەبەرایەتییا گشتییا ئەمنیەتا ئەنقەرێ.
دوهی سپێدێ ل بەرامبەر وه‌زاره‌تا نافخۆیا توركیا پەقینەکا خۆكوژی هاتە ئەنجامدان، و بوویە ئەگەرێ برینداربوونا دوو پۆلیسان.
د ڤی واریدا عەلی یەرلیکایا وەزیرێ ناڤخۆ یا تورکیا راگەهاندبوو دوو تیرۆریست ب ترۆمبێلەکا بازرگانی هاتنە بەرامبەر دەرگەهێ هاتنە ژوورا ڕێڤەبەرایەتییا گشتییا ئاسایشا سەر ب وەزارەتا نافخۆ، هێرشەکا تیرۆریستی ئەنجامدا، ئێک ژ تیرۆریستان خۆ پەقاندبوو و ئێکێ دن ژی ژ لایێ هێزێن ئەمنی ڤە هاتە کۆشتن، ئاماژە ب وێ ژی کربوو كو ژبەر بوویەرێ، دوو ئەفسەرێن پۆلیسان ب سڤکی بریندار بوون.