د ئەنجامێ وان شەڕ و بۆردومانێن چەند رۆژایە، ژبەر هێرشەکا ژ نشکێڤە یا چەكدارێن حەماس بۆ سەر ئیسرائیل ل دژی كەرتێ غەززێ بەردەوامە، 9 ئەندامێن بنەماڵەکا كوردێن فەلەستینی ل بۆردومانا باژێرێ غەززە ژیاناخۆ ژ دەست دان.
كۆمەلەیا كلتوورییا كوردێن ئوردن، د بەهینامەکێدا كۆ دوهی شەمبی ٢٨\١٠ بڵاڤکری، ژیان ژ دەستدانا 9 كەسان ژ ئەندامێن بنەمالا (موراد ئەلكوردی) د ئەنجامێ شەرێ غەززێ راگەهاند و هەڤخەمی و بەهی گەهاندنە وێ بنەمالا كورد.
كۆمەلەیا كلتوورییا كوردێن ئوردن، راگەهاند ژی کۆ هەمی ئەو 9 كەس د ئەنجامێ بۆردومانەكا دەڤەرا (جیبالیا) یا كەرتێ غەززە ژیانێن خۆ ژ دەست دانە و هێشتا ژی هەژمارەك ژ ئەندامانێن وێ بنەماڵا كوردێن فەلەستین، د بن پاشەروکێن ئاڤاهیێن هەرفتی دانە و چارەنڤیسێن وان نەدیارن.
ل دیف بەهیناما كۆمەلەیا كلتوورییا كوردێن ئوردن، ئەو كەسێن د وێ روویدانێدا ژیانێن خۆ ژ دەست دای، هەمی كوردن و پسمام و کور خالەت و خارزایێن ئێکۆ و پێکهاتنە ژ: (مەنار موردا ئەلكوردی، مەنال هەڤژینێ جەمیل موراد ئەلكوردی، هەنا موراد ئەلكوردی، جەمیل سەعید موراد ئەلكوردی، هەیا موراد ئەلكوردی، رەبا ماهیر ئەلكوردی، مەحموود موراد ئەلكوردی، سەعد ئەلكوردی، هەلا حوسام ئەلكوردی).