رێباز حه‌ملان، هاریكارێ سه‌رۆكوه‌زیرێ هه‌رێما كوردستانێ راگه‌هاند، ل ناڤه‌راستا هه‌فتیا بهێت، 700 ملیار دینارێن مووچه‌خۆرێن هه‌رێما كوردستانێ بۆ هه‌یڤا 8 دێ ژ به‌غدا گه‌هن، گۆت ژى لیستێن وان ئاماده‌نه و دگه‌ل گه‌هشتنا پاره‌ى دێ ده‌ست ب به‌لاڤكرنا مووچه‌ى هێته كرن.
هاریكارێ سه‌رۆكوه‌زیرێ هه‌رێما كوردستانێ ئه‌ڤرۆ د كۆنگره‌یه‌كێ رۆژنامه‌ڤانى دا راگه‌هاند، وه‌كو ئاسانكاریه‌ك بۆ مووچه‌خۆرێن هه‌رێما كوردستانێ، ب تایبه‌تى خانه‌نشین و خودان پێدڤیێن تایبه‌ت كو نابیت ل سرا وه‌رگرتنا مووچه‌ى راوه‌ستن، پرۆژه‌یێ هژمارا من ژلایێ سه‌رۆك وه‌زیرانڤه هاتیه راگه‌هاندن و تا نها 5 بانكان پشكداریا خۆ د پرۆژه‌ى دا راگه‌هاندى یه و ده‌رگه‌هـ بۆ هه‌مى بانكان ڤه‌كرى یه.
رێباز حه‌ملان، ل دۆر هنارتنا مووچه‌یێ هه‌یڤا 8 یێ فه‌رمانبه‌رێن هه‌رێمێ ژ لایێ به‌غدا ڤه ژى گۆت، ل ناڤه‌راستا هه‌فتیا بهێت، 700 ملیار دینار ژ به‌غدا دێ گه‌هن دیاكر ژى، لسیتێن وان ئاماده‌نه و دگه‌ل گه‌هشتنا پاره‌ى دێ ده‌ست ب به‌لاڤكرنا مووچه‌ى هێته كرن.
حه‌ملان گۆت ژى، بزاڤێن حكومه‌تێ دگه‌ل به‌غدا به‌رده‌وامن داكو مووچه‌یێ هه‌یڤێن 10، 11 و 12 ژى بهێنه هنارتن.