حكومه‌تا هه‌رێمێ: ژبه‌ر بكارئینان و بازرگانیكرنێ ب مادده‌یێن هشبه‌ر 3300 كه‌س هاتینه‌ ده‌سته‌سه‌ركرن

حكومه‌تا هه‌رێما كوردستانێ رادگه‌هینیت، ژبه‌ر بكارئینان و بازرگانیكرنێ ب مادده‌یێن هشبه‌ر 3300 كه‌س هاتینه‌ ده‌سته‌سه‌ركرن و ئاشكراكر، هه‌رێم هه‌مبه‌رى دیارده‌یه‌كا بترس یا به‌لاڤبوونا وان مادده‌یانه‌.
رێكخه‌رێ راسپاردێن نێڤده‌وله‌تى یێ حكومه‌تا هه‌رێما كوردستانێ، دیندار زێبارى راگه‌هاند، 3 هزار و 300 كه‌س ژ به‌ر بكارئینان و بازرگانیكرنێ ب مادده‌یێن هشبه‌ر هاتینه‌ ده‌سته‌سه‌ركرن و گۆت: ئه‌م هه‌مبه‌رى دیارده‌یه‌كا بترس یا مادده‌یێن هشبه‌رین.
داخواز ژ كۆمه‌لگه‌ها نێڤده‌وله‌تى كر حكومه‌تا هه‌رێما كوردستانێ ملبملێ حكومه‌تا ئیراقێ ڤه‌ ببینیت ب تایبه‌ت ژى د به‌رهنگاربوونا مادده‌یێن هشبه‌ر دا.