ئاکرێ نیوز:
مەنهەل شێخ موافق رێڤەبەرێ ناحیا روڤیێ بۆ ئاکرێ نیوز ددەتە دیارکرن کو ب کوژمێ نزیکی سێ ملیار دیناران چەند پرۆژەک هاتینە راگەهاندن بۆ سنورێ ناحیا روڤیێ وەکی(رێکێن ناڤخۆ،رێکێن گوندان وەکی گوندێن(جوجەرێ مەزن،توپزاوا مەزن،کانی هەسپان،ئێک مالا نوی،کو دێ رێکێن وان هێنە نوژەنکرن و قێرکرن)،هەروەسا سێ قوتابخانه ئێک ل سەنتەرێ ناحیێ و ئێک ل گوندێ قەرەناز،ئێک ل گوندێ دوستەک،هەروەسا چەند پڕوژێن ئاڤێ دەرچووینە سێ پڕوژە ل سەنتەرێ ناحیێ و گوندێ پەلاسا و گوندێ دربێسا و گوندێ ئیسماوا و گوندێ قەرەناز و ئومەرسێنان و شێخانوک، پروژێن ئاڤێ بۆ دەرچووینه،کو گەلەک ژڤان پڕوژان بەرێ بنیاتێ بۆ هاتیەدانان و هندەک ژی ل قوناغا تەندەری دانه.
رێڤه‌به‌رێ ناحیا روڤیێ زێدەتر گۆت كو ل پلانا سالا 2023 یا پارێزگه‌ها دهۆكێ كو ئه‌م وەکو ناحیه ئاگه‌هداركرینه كو بهایێ 3 ملیاران پرۆژێن دی دێ هێنه جێبه‌جێكرن، پشتى دیراسه‌كا باش مه‌ژى وه‌كو ناحیا روڤیێ پلانا خوه دانا و ئه‌و پرۆژێن پێدڤى بۆ ڤێ ده‌ڤه‌رێ دپلانا خوه‌دا دیاركرن و گه‌هاندنه پارێزگه‌ها دهۆكێ داكو بهێنه جێبه‌جێكرن.
رێڤه‌به‌رێ ناحیا روڤیێ گۆت كو ئه‌و پرۆژێن مه دپلانا خوه دا دیاركرى پرۆژێن رێكێن ناڤخۆ و چێكرنا سولیناو ئاڤەرو بکوژمێ 1320,000,000،هه‌روه‌سا ئاڤاكرنا باخچه‌كێ زاروكان ل تاخێ نه‌وروز روبه‌رێ 300م بکوژمێ 750,000,000، هه‌روه‌سا چێكرنا پاركه‌كا خێزانى ب روبه‌رێ 18هزار مه‌تران ب کوژمێ 400,000,000 ، هه‌روه‌سا گه‌هاندنا كاره‌با 24 ده‌مژمێرى بۆ بیرێن ئاڤێ ب کوژمێ 180,000,00چونكى بیرێن ئاڤێ کارەبا 24 دەمژمێری نەبوو،هه‌روه‌سا پرۆژێ چێكرنا یاریگه‌هه‌كا 11 یاریزانى یا چیمه‌نێ ده‌ستكرد ل سه‌نته‌رێ ناحیا روڤیێ بۆ گەنجێن وێ دەڤەرێ ب کوژمێ 350,000,000،ئه‌ڤ هه‌ر پێنج پرۆژه دپلانا مه‌دانه و كو بۆ ڤێ ده‌ڤه‌رێ بهێنه جێبه‌جێكرن،ئه‌م وێ باوه‌ریێ نه كو ده‌مه‌كێ نزیك دێ ره‌زامه‌ندیا دوماهیێ دێ بۆ ڤان پرۆژان هێته‌كرن و دێ هێنه راگه‌هاندن.
سه‌باره‌ت پرۆژێ جوت سایدێ ناحیا روڤیێ ناڤبرى گۆت كو بودجا وى پرۆژى یا تایبه‌ته،ده‌مه‌كێ 14 ملیار بۆ هاتبوونه دیاركرن،پاره‌كێ زور بۆ هاتبوو دانان،پاشى ئه‌ڤ پاره هاته كێمركرن بۆ حه‌ف ملیاران،كو دوو ئوڤه‌رپاس هنده‌ك تشتێ نه‌یێ پێدڤى دناڤ دا بوو،لێ پشتى كه‌شفه‌كا دى مه ب فه‌ردیت كو ئه‌و جاده بهێته قێركرن ب دوو ساید دگه‌ل چێكرنا مه‌جاریێن ئاڤێ،كو ل دویڤ ڤێ كه‌شفێ ره‌نگه بگه‌هیته 5 ملیاران،كو ئه‌ڤه بۆ ماوێ نزیكى 20 روژانه ئه‌م كار سه‌ر دكه‌ین و وان سوزدایه مه كو زویترین ده‌م وى پرۆژه‌ى ژى بێخنه دبوارێ جێبه‌جێكرنێ دا.