شەڤێدی وەزارەتا بەرەڤانیا تورکیا راگەهاند: مە 20 بنگەهێن پەکەکێ برێکا هێرشێن ئەسمانی ل دەڤەرێن مەتینا، گارە، خواکورک و قەندیل بۆردوومان کرنە.
ئاژانسا نووچەیا (ئەنادۆڵ) لسەر زارێ وەزارەتێ بەڵاڤکریە کۆ ئەو هێرش دێ بەردەوام بن هەتاکو دوماهی ب چەکدارێن پەکەکێ دهێت.
وەزارەتا بەرەڤانییا توركیا باڵکشاندیە سەر وێ ئێکێ ژی، کۆ د ئۆپراسیۆنا شەڤێدی دا، فرۆکێن شەڕی بکارئینانە بۆ ئامانجگرتنا چەکداران و دێ ئۆپەراسیۆنێن وان ژی بەردەوام بن.
تێزانین دوهی ئێڤاری پەکەکێ بەرپرسیارەتیا خوە د هێرشا خۆکوژییا سەر ئەنقەرێ راگەهاند و باڵکشاندە سەر وێ ئێکێ کۆ هێرشا سەر وەزارەتا نافخۆ یا تورکیا ژلایێ دوو ئەندامێن وان ڤە بناڤێن رۆژهات زیلان و ئەرداڵ شاهین هاتیە ئەنجامدان، ئەڤ شەڤەژی وەزارەتا بەرەڤانیا توركیا ئاشكراکر كۆ ئێک ژ ئەنجامدەرێن هێرشێ سەر ب پەکەکێڤە بوو.