ل پەیمانگەها كارۆلینسكا ل ستۆكهۆلما پایتەختێ سویدێ ئەڤرۆ ژلایێ دامەزراوەیێن نۆبلێ ڤە خۆدانێ خەلاتێ نۆبل د نۆشدارییێدا یان فیسیۆلۆژییێدا هاتە راگەهاند.
تۆماس پێرلمان سكرتێرێ جڤاتا نۆبل خەلاتێ نۆبلا نۆشداری راگەهاند، كو ب هەردوو داهێنەرێن ڤاكسینا كۆڤید-19 ب ناڤێن كاتالینا كاریكۆ و دریو وێیسمان هاتە دان.
ڤاكسینا هەردوو زانایان ژلایێ كۆمپانییا فایزەر و مۆدێرناڤە هاتە بەرهەمئینان و نوكە ب ملیۆنان كەسان ژیانا وان ژ ئەگەرێ وێ داهێنانێن ژ كۆرۆنایێ هاتییە پاراستن.
داهێنەرێ سویدی ئەلفرێد نۆبلی د وەسیەتا خۆدا گوتبوو، ئەو كەسێن مەزنترین مفا ب مرۆڤایەتییێ بەخشی بهێنە خەلاتكرن، خەلات بۆ جارا ئێكێ ل سالا 1901 پشتی پێنج سالان ژ مرنا ئەلفرێد نۆبلی هاتبوو بەلاڤكرن.
ئەو كەسێن خەلاتی ب دەستڤەدبەن 1.1 ملیۆن دۆلاران ژی وەردگرن.