نـــیــهــاد صـــالـــح
ئاخا پیروز وان روحێن درندە هەبێزناکەت، کانیا زەلال پێدڤی کولانێ نینه، دەمێ برینێت کور لسەر لاشێ مه پەیدا دبن ژ لایێ دوژمن و توخم پەرێسان ڤه، ئەم ب ئیرادەیەکا نشتیمان پەروەری ل بەر سینگێ چەقەلێن بێ ئیرادە و گولە و ئەتومان دبنه ئاسێگەهەك موکم و هیچ هێزەك مە نائێخیت، بارزانی بوون و هێز و ئیرادا مه ب خوراگریا بهزاران چیایێن بلندێن کوردستانێ ئازا دژیت، ئارامی و برایەتی و پێکڤەژیانێ دپارێزن و وەکو مروڤ سەرەدەریێ دکەن.
کەرکووك خوینا برینێن ته سەرکەفتنا ئیرادا گەلێ کورد و کوردستانێ یه، و ژناڤبرنا دوژمنی یه، پشتی گوربەگوربونا رژێما ژناڤچوویا سەدامێ بەعس هندەك دیڤەلانك و ئێتیمێن کرێ گرتی ل دویف خو هێلاینه کو دوژمنکاریا دیموکراسییێ بکەن، ئەڤه و دەوروبەرێن کوردستانێ هەردەم پیلانا دگێرن بو ژناڤبرنا پروسا دیموکراسییێ دعیراق و کوردستانێ دا ل بن هەر پەردەیەکێ هەبیت ژەهرا خو دارێژن.
کریارێن شوفینی و توخم پەرێس هەر جار و هەر سال دوبارە دبن، مخابن چەند کەس و لایەنێن برسی و ئاژوەگێر دەست ب خیانەت و فاشیزم و هەلویستەك نەرێنی دوبارە کرین و خوینا کوردان رێژتن، و بریارێن دژی مروڤایەتیێ واژوو کرن، لەورا جهێ دلئێشانا نشتیمانپەرەرێن خوراگرێن کوردستانێ یه، و تایبەت رێبەرێن رێبازا بارزانی چونکه هەر کارەکێ نشتیمانی بیت چ ئارامانج و هیڤی و دەستکەفت چ شەهید و قوربانی و خەبات بن پشکا شێری یا پارتی بوینه و مورکا نشتیمانی پێڤه دیارە، پارتی واته مللەت لگەل ئێش و ژانێت نشتیمانیان ئارمانجا دوژمنان ژی هەر پارتی بویه، چونکه ئەوا ڤەرێژا رێبازا بارزانی کو هیچ جارەکێ مسوامه بو دوژمنی نەکریه و خو نەچەماندی یه، لەوما ئەڤ جارە ب ناڤ و نیشان ئارمانج کرنا بارەگایێن پارتی دیموکراتی کوردستان ل کەرکووکا دلێ کوردستانێ و پاش بویه قەزیەکا کوردی، و شەهید و بریندار و قوربانی یێن مادی و گیانی کورد ب دەست عەرەبان دوبارە بون، ئالوزیێن بێ بنەما دروست کرن و هیج مافەکێ دەستوری ب خەلکێ دەڤەرێ دای نەهات پاراستن.
دبێژین: سەرکردێن عەرەبێن عیراقێ دەستوری پێ شێل نەکەن، دڤێت یاسا سەروەربیت بێ جێوازیا نەتەوە، توخم، مەزهەب، ئایین، چین، گیان و خوین و مال و مولکێ هەر عیراقیەکی ئەرکه هەوەیه، نه پاراستن شەرمزاریا حوکمرانیا هەوەیە، باجا وێ کەفتن و نەمانە، دەستێ بخوین بشون قەفتە گولان راکەن ڤیانێ بچینن