ئاکرێ نیوز
په‌یڤدارێ حكومه‌تا هه‌رێما كوردستانێ د كۆنگره‌یه‌كێ رۆژنامه‌ڤانى دا دگه‌ل شاندێ هه‌رێمێ بۆ به‌غدایێ ل دۆر موچه و بودجه‌یێ هه‌رێمێ راگه‌هاند، حكومه‌تا ئیراقێ سیاسه‌تا برسیكرنێ ل دژى وه‌لاتیێن هه‌رێما كوردستانێ بكاردئینیت.
پێشه‌وا هه‌ورامانى راگه‌هاند، ئه‌وا دهێته دیتن ژ حكومه‌تا ئیراقێ همبه‌ر هه‌رێما كوردستانێ، سیاسه‌تا برسیكرنا خه‌لكێ هه‌رێمێ و تێكهه‌لكرنا مافێن خه‌لكى یه دگه‌ل پرسێن سیاسى.
په‌یڤدارێ حكومه‌تا هه‌رێمێ دیاركر ژى، پشتى وان هه‌مى دانوستاندنان، حكومه‌تا ئیراقێ بڕیار دایه، 500 ملیار دیناران بۆ موچه‌یێ فه‌رمانبه‌رێن هه‌رێما كوردستانێ بهنێریت ئه‌ڤه د ده‌مه‌كى دایه حكومه‌تا هه‌رێمێ هه‌یڤانه پێدڤى ب 940 ملیار دینارانه بۆ به‌لاڤكرنا مووچه‌یێ فه‌رمانبه‌رێن خۆ.