سه‌رۆكێ هه‌رێما كوردستانێ گۆتاره‌ك ل مه‌راسیما كۆنگره‌یێ پێنجێ یێ ئێكه‌تیا نشتیمانى یا كوردستانێ پێشكێشكر و راگه‌هاند، ئارامیا هه‌رێمێ ئارامیا هه‌موو ئیراقێ یه.
ئه‌ڤرۆ چاره‌شه‌مبێ 27-9-2023یێ ل سلێمانیێ نێچیرڤان بارزانى، سه‌رۆكێ هه‌رێما كوردستانێ پشكدارى د كۆنگره‌یێ پێنجێ یێ ئێكه‌تیا نشتیمانى یا كوردستانێ دا كر و د گۆتاره‌كێ دا ره‌وشا نوكه یا هه‌رێمێ و ئیراقێ به‌حسكر و راگه‌هاند، ئارامیا هه‌رێمێ ئارامیا هه‌موو ئیراقێ یه.
سه‌رۆك نێچیرڤان بارزانى د گۆتارا خۆ دا گۆت: ئێكه‌تى یادگاریا مام جه‌لاله و دڤێت بۆ چاره‌كرنا كێشه‌یان ل سه‌ر وێ رێبازێ به‌رده‌وام بیت و هێزه‌كا سه‌ره‌كى یا هێزێن سیاسى یه و ئه‌ڤه به‌رپرساتیه‌كا نشتیمانى یه.
سه‌رۆكێ هه‌رێما كوردستانێ ئاشكراكر، ئه‌زموونا پێكڤه‌كاركرنا پارتى و ئێكه‌تیێ بوویه ئه‌گه‌رێ سه‌ركه‌فتنان و بۆ ده‌ربازبوونا هه‌موو سه‌ختیان تاكه رێك به‌رده‌وامیا پێكڤه‌كاركرنێ یه.
نێچیرڤان بارزانى ئاشكراكر، هێز و مانا مه د ئێكرێزى و ته‌بایێ دایه و به‌رۆڤاژى لاوازیا كوردستانێ یه و هه‌رێما كوردستانێ ل وى ده‌مى بهێزه ده‌ما ئالى ته‌با بن و ده‌ستوه‌ردانێن حزبى نه‌بن.
ل دۆر سه‌رخستنا هه‌لبژارتنێن په‌ڕله‌مانێ كوردستانێ ژى دبێژیت: ئه‌ركێ پارتى و ئێكه‌تیێ یه ل گه‌ل هێزێن دى كارى بۆ سه‌رخستنا هه‌لبژارتنێن په‌ڕله‌مانێ كوردستانێ بكه‌ن.
هه‌روه‌سا سه‌رۆكێ هه‌رێما كوردستانێ به‌حس ل ئارامیا هه‌رێمێ ژى كر و گۆت: ئارامیا هه‌رێمێ ئارامیا هه‌موو ئیراقێ یه.