لیۆنێل مێسى كاپتن و ستێرا هه‌لبژارتیێ ئه‌رجه‌نتینێ نمره‌یه‌كا پیڤایى یا نوى ب هه‌ڤپشكى ل گه‌ل یاریكه‌ره‌كێ دى تۆماركر.
مێسى د یاریا ل گه‌ل ئێكوادۆر د گه‌ڕا ئێكێ یا ڤاڤارتنێن ئه‌مریكا باشوور بۆ ده‌ربازبوونێ بۆ موندیالا 2026 دا، گۆلا ئێكانه و سه‌ركه‌فتنێ یا ئه‌رجه‌نتینێ ل سه‌ر ئێكوادۆر ل خۆله‌كا 78 تۆماركربوو.
تۆڕا سپۆرت میدیاسێت یا ئیتالى به‌لاڤكریه "مێسى ب تۆماركرنا گۆلا ل سه‌ر ئێكوادۆر گه‌هشته گۆلا ژماره 29 یا وى د سه‌رجه‌م ڤاڤارتنێن ئه‌مریكا باشوور یێن موندیالێ دا".
دیار ژى كریه؛ مێسى ب ڤێ ژمارێ گه‌هشته هه‌مان نمره‌یا لویس سوارێز هێرشبه‌رێ ئورگواى ب تۆماركرنا 29 گۆلان د سه‌رجه‌م ڤاڤارتنێن موندیالێ دا.
ب گشتى، ب تۆماركرنا گۆلا دوهى ژماره‌یا گۆلێن مێسى ل گه‌ل هه‌لبژارتیێ ئه‌رجه‌نتینێ گه‌هشته 104 گۆلان ژ 176 یاریان