ئاکرێ نیوز
سه‌رۆكوه‌زیرێ هه‌رێما كوردستانێ راگه‌هاند،خه‌لكێ كوردستانێ ده‌ستبه‌ردارى مافێن خۆ یێن ده‌ستوورى نابیت، تەسلیمی گه‌ف و گڤاشتنێن وان ئالیان ژى نابیت یێن دخوازن ئیراقێ بۆ سه‌رده‌مێ دكتاتۆریێ ڤه‌گه‌ڕینن.
ئه‌ڤرۆ مه‌سروور بارزانى، سه‌رۆكوه‌زیرێ هه‌رێما كوردستانێ پێشه‌وازى ل شانده‌كێ په‌ڕله‌مانێ كه‌نه‌دا ب سه‌رۆكاتیا تۆم کیمج كر. سوپاسیا كه‌نه‌دا بۆ پشته‌ڤانیا هه‌رێمێ د شه‌ڕێ دژى داعشێ دا كر.
ل دۆر دویماهى پێشهاتێن ئیراقێ ژى بارزانى دا زانین، هه‌رێما كوردستانێ هه‌مى پێگریێن د چارچووڤه‌یی ده‌ستوورى دا بجهئیناینه، لێ جهێ مخابنیه‌كا مه‌زنه ب ره‌نگه‌كێ گه‌له‌ك نه‌ڕه‌وا و به‌روڤاژى ده‌ستوورى مافێن خه‌لكێ كوردستانێ دهێنه بنپێكرن.
مه‌سروور بارزانى، گۆت ژى: رێز ل رێككه‌فتنا ئالیێن پێكئینه‌رێن حكومه‌تێ و ئه‌جێندایێن وێ ناهێته گرتن كو جڤاتا وه‌زیرین ئیراقی ب كۆما ده‌نگان په‌سه‌ندكرى یه.
سه‌رۆكوه‌زیرێ هه‌رێما كوردستانێ مه‌سروور بارزانى دوپاتكر ژى خه‌لكێ كوردستانێ ده‌ستبه‌ردارى مافێن خۆ یێن ده‌ستوورى نابیت، ملكه‌چى گه‌ف و گڤاشتنێن وان ئالیان ژى نابیت یێن دخوازن ئیراقێ بۆ سه‌رده‌مێ دكتاتۆریێ ڤه‌گه‌ڕینن.