په‌یاما سه‌رۆكێ حكومه‌تا هه‌رێمێ ل دۆر روودانا هۆلا شه‌هیانان ل حه‌مدانیێ

سه‌رۆكێ حكومه‌تا هه‌رێما كوردستانێ په‌یامه‌كا هه‌ڤخه‌میێ ژبه‌ر روودانا شه‌ڤێدى یا حه‌مدانیێ به‌لاڤكر و راگه‌هاند، نوكه‌ ژى ئاماده‌نه‌ بۆ هه‌ر هاریكاریه‌كێ.
مه‌سروور بارزانى، سه‌رۆكێ حكومه‌تا هه‌رێما كوردستانێ ئه‌ڤرۆ چارشه‌مبێ په‌یامه‌ك ژبه‌ر روودانا شه‌ڤێدى یا ئاگربه‌روونا هۆلا شه‌هیانان ل حه‌مدانیێ به‌لاڤكر و راگه‌هاند، وێ روودانێ گه‌له‌ك خه‌مباركرین و پرس و سه‌ره‌خۆشیێن خۆ ئاراسته‌یى بنه‌مال و كه‌سوكارێن قوربانیان كر و ژ خودایێ مه‌زن خواست ژیان ژ ده‌ست دایان ب به‌هشتا به‌رین شاد بكه‌ت و هیڤیا چاكبوونێ ژى بۆ برینداران خواست.
مه‌سروور بارزانى هه‌ر د په‌یاما خۆ دا دبێژیت: دوهى وه‌زاره‌تا ساخله‌میێ و هه‌موو ئالیێن په‌یوه‌ندیدارێن هه‌رێما كوردستانێ هاتینه‌ راسپاردن و ب زووترین ده‌م د هه‌وارا لێقه‌ومیان چوون و گۆتژى: نوكه‌ ژى ئاماده‌ینه‌ بۆ هه‌ر هاریكاریه‌كێ و دوپات دكه‌ین.