ئاکرێ نیوز:
پشتی مە وەکو مالپەرێ ئاکرێ نیوز دیفچوونا بابەتێ کێشا کێم ئاڤیێ ل گوندێ دودیا ژێری ل ناحیا دینارتێ کری و مە گەهاندیە لایەنێن پەیوەندیدار ل دینارتێ وئاکرێ ئێکسەر لایەنێن پەیوەندیدار هاتنە سەر خەت بۆچارەسەرکرنا ڤی بابەتی و دێ کێشا کێم ئاڤیێ ل گوندێ ناڤبری چارەسەربیت.
سەربەست صەبری رێڤەبەرێ ناحیا دینارتە بۆ ئاکرێ نیوز ددەتە دیارکرن کو پشتی ئەم هاتینە ئاگەهدارکرن کو گوندێ دودیا ژێری کێشا کێم ئاڤیێ یا هەی دەملدەست ئەم وەکو لایەنێن پەیوەندیدار هاتینە سەر خەت بۆ چارەسەرکرنا کێشا کێم ئاڤیێ ل گوندێ ناڤبری مە ئەندازیارەکێ جیلۆجی ل دهۆکێ داخوازکر کو قەستا وی گوندی بکەت،پشتی قەستا گوندی کری جهەک یێ هاتیە دیتن کو یێ گونجایی یە بۆ بیرلێدانێ.
رێڤەبەرێ ناحیا دینارتێ زێدەتر گۆت پشتی کو جهەکێ گونجایی هاتیە دیتن مە نڤیسارا فەرمی گەهاندیە قایمقامیا ئاکرێ و رێڤەبەریا ئاڤا ئاکرێ و بزاڤێ دهێنەکرن گەل پارێزگەها دهۆکێ کو بۆدجە بۆ بهێتە خەرجکرن و بیرەکا ئاڤێ بۆ بهێتە لێدان.
گۆت کو نها مە دو تانکەرێن ئاڤێ ژی بۆ گوندێ ناڤبری ئیناینە کو هەر روژەکێ نە ئێکێ ئاڤێ بۆ گوندی دابین بکەن وەکو دەست پێک داکو دبێ ئاڤ نەبن،ب ئاناهیا خودێ دەمەکێ نزیک دێ ئەو پرۆژە کەڤیتە کاری و دێ کێشا کێم ئاڤیێ ل وی گوندی ب ئێکجارێ هێتە چارەسەرکرن.