وه‌زاره‌تا په‌روه‌ردێ یا حكومه‌تا هه‌رێما كوردستانێ ب نڤیساره‌كا فه‌رمى كو ئاراسته‌یى هه‌موو ناڤه‌ندێن خواندنێ یێن حكومى كرییه، داخوازكر، بۆ ئه‌ڤ ساله ژبه‌ر ره‌وشا وه‌لاتییان، دبابه‌تێ ئێكپۆشییێدا فشاران ل سه‌ر قوتابییان نه‌هێته‌كرن.
د نڤیسارێدا داخواز هاتییه كرن ره‌وشا داراییا وه‌لاتییان به‌رچاڤ بهێته وه‌رگرتن، ل سه‌ر كارگێرییێن هه‌موو قوتابخانه‌یێن حكومى ژى پێدڤییه، ل ده‌مێ پابه‌ندبوونێ ب ئێكپۆشییێ فشارێ ل سه‌ر قوتابییان نه‌كه‌ن.
وه‌زاره‌تا په‌روه‌ردێ دیاركر، پێدڤیه ئاسانكارى د سیسته‌مێ ئێكپۆشییا قوتابییاندا بهێته‌كرن، دهه‌مان ده‌مدا داخواز ژ قوتابییان كر جلۆبه‌رگێن وان بۆ ناڤه‌ندێن خواندنێ د گونجاى بن.